Марий Эл Радио в мессенджере MAX — 423 подписчиков, аналитика и статистика

Последние публикации канала «Марий Эл Радио»

1. 55 просмотров, 16 июн. 2026 г., изображение

   Поро эр, йолташна-влак☀️ Таче кумылда могайрак? Кечыда кузе эртараш шонеда? 👇Комментарийыш возыза

   
2. 151 просмотров, 15 июн. 2026 г., изображение

   Морко районышто 6 километр кужытан газ пучым чоҥат. Тудо Семисола, Нурсола, Кугу Шоръял, Ядыксолашке канде тулым пурташ полша. Тиде газпуч Марий Элын газификаций да газоснабженийым вияҥдыме программыже дене лиеш. Тиде объектым ыштен шуктемеке, 244 пӧртыш канде тулым пуртен кертыт. Кодшо ийын Тат-Кушна ял марте межпоселковый газпучын икымше черетшым чоҥеныт. Тиде Морко районысо ялла марте канде тулым пуртымо пашам вияҥдаш полшен. Тений тыгак Тат-Кушна тӱвыра пӧртым пӱртӱс газыш кусарат. (📸 «Газпром газораспределение Йошкар-Ола» тӱшка гыч налме)

   
3. 109 просмотров, 15 июн. 2026 г.

   «Знание» обществын эртарыме Ача-ава-влакын инициативышт конкурсышкыжо Марий Эл гыч 90 утла йодмаш пурен. Эксперт-влаклан 7 тӱжем утла йодмашым ончышаш улыт. Эн сай инициативе-влак илышыш шыҥдаралтыт, 200 тӱжем гыч 2 миллион теҥге марте окса ойыралтеш. Конкурсым «Знание» обществе РФ Просвещений министерствын полшымыж дене эртара. Тений конкурсыш Марий Элысе йочасад, тыгак техникум ден колледж-влакын ача-ава-влакын комитетышт ушнен кертыныт. Конкурсын эн чолга участникше Татарстан республик гыч ача-ава лийыныт. Нуно 1082 темлымашым колтеныт. Кокымшо верыште – Краснодар кундемысе…

4. 122 просмотров, 15 июн. 2026 г., изображение

   Марий Элыште илыше-влак еш выплатылан йодмашым возат. Тений тыгай полыш икымше гана ойыралтеш. Социал фондын уверже дене, июнь тӱҥалтыш гыч 11 тӱжем утла йодмаш пурен, шукыжо – «Кугыжаныш услуго» портал гоч. Выплатылан йодмашым 1 октябрь марте пуаш лиеш. Еш выплатым кокыт але утларак икшывым ончышо еш-влак налын кертыт. Тӱҥ условий – 2025 ийыште йодмашым пуышо НДФЛ-ым тӱлышаш, тыгак тудо улшо критерийлан келшен толшаш. Ведомствыште ушештарат, ешын кокла парышыже, кажне еҥлан шотлымаште, илен лекташ ситыше окса кугытын ик ганат пеле дечын шуко лийшаш огыл. Марий Элыште тиде – 23 тӱжемат…

   
5. 141 просмотров, 15 июн. 2026 г., изображение

   Эртыше арнясе «Хит-парад» дене палдарена. Передачым Мурызо Эчан ямдылен. (📸 ИИ полшымо дене ыштыме)

   
6. 148 просмотров, 15 июн. 2026 г., изображение

   🌸Пеледыш пайремын радамже.

   
7. 153 просмотров, 15 июн. 2026 г., изображение

   Техникум да колледж-влакым нацпроект дене капитально тӧрлат. Тушто кайыме пашам министр Лариса Ревуцкая аклен. «Молодежь и дети» нацпроект дене кок техникумышто ныл зданийым уэмдат. Йошкар-Оласе строительный техникумышто 1-ше да 2-шо номеран корпусым ыштат, икымшыште пашам мучашлат, тушто леведышым вашталтеныт, окнам, омсам уэмденыт, зданийын фасадшым шотыш конденыт. 2-шо номеран корпусышто демонтажым мучашлат, инженер системым да электрический сетьым тӧрлат. Радиомеханический техникумын тӱшкагудыштыжо шокшым пуышо системым тӧрленыт, окнам алмаштеныт.

   
8. 163 просмотров, 15 июн. 2026 г., изображение

   Поро эр🥰 У паша арня тендам куандарыже да сай лектышым кондыжо😎 👇Каныш кечыдам кузе эртарышда?

   
9. 210 просмотров, 14 июн. 2026 г., изображение

   Морко районышто «Сӱан пайрем» тений 17 июльышто лиеш. Регион-влак кокласе фестиваль калык йӱлам ончыкта. Тений тушто сӱан сурт, сӱан йӱлам сценыште модын ончыктымаш, эн сай фольклор коллектив, семӱзгар усталык номинаций-влак лийыт. Фестиваль конкурсым 17 июльышто Морко район Унчышто эртарат. Коллектив-влак дечын йодмашым 1 июль марте налыт. Тиде фестивальым Марий Элын тӱвыра, печать да калык-влакын пашашт шотышто министерстве, Республикысе калык усталык да культур каныш шотышто республикысе шанче-методик рӱдер, Морко районын тӱвыра, спорт да туризм пӧлкаже, районысо Рӱдӧ клуб системе.

   
10. 213 просмотров, 14 июн. 2026 г., изображение

    Пудий-влак пурат, шекланыза. Республикыште 659 еҥ медицин организацийыш пудийым лукташ толын.Тышечын нылымше ужашыже – йоча-влак. Пудий инфекций дене черланымаш регистрироватлалтын огыл. Эртыше арняште медицин полышлан эҥерташ 114 еҥ толын. Пудий-влак Марий Элын чыла гаяк районыштыжо пуреныт, Куженер да Юрино районышто веле пудийым эмлымверыш лукташ толшо-влак лийын огытыл. Эпидемий тургым тӱҥалтыш гыч республикыште еҥ-влаклан пурышо пудий гыч 38% чодыраште пурен, 36% годым садпакчаште, 14% кудывечыште, 11% парк да скверлаште. Пудийым инфекцийлан Гигиене да эпидемиологий рӱдерыше…

    
11. 224 просмотров, 13 июн. 2026 г., изображение

    Озанлык пашаеҥ-влак кургым ямдылаш тӱҥалыт. Кызытсе жап марте 30 тӱжем тонн сенажым ямдыленыт. Тиде план дечын 14%. Кеҥеж жапыште чылаже 290 тӱжем тонным оптышаш улыт. Тидын дене пырля 340 тӱжем тонн силосым да 37 тӱжем тонн шудым шапашлаш палемдат. Ялозанлык предприятий-влакын кургым ямдылаш техникышт ямде. Ялозанлык министерствыште палдарат: тиде паша жапыштыже шукталтшаш.

    
12. 239 просмотров, 13 июн. 2026 г., изображение

    Озанлык пашаеҥ-влак кургым ямдылаш тӱҥалыт. Кызытсе жап марте 30 тӱжем тонн сенажым ямдыленыт. Тиде план дечын 14%. Кеҥеж жапыште чылаже 290 тӱжем тонным оптышаш улыт. Тидын дене пырля 340 тӱжем тонн силосым да 37 тӱжем тонн шудым шапашлаш палемдат. Ялозанлык предприятий-влакын кургым ямдылаш техникышт ямде. Ялозанлык министерствыште палдарат: тиде паша жапыштыже шукталтшаш.

    
13. 278 просмотров, 13 июн. 2026 г., изображение

    Шарнымаш да ойганымаш кече вашеш республикыште илыше-влак «Шарнымаш сорта» акций деке ушнен кертыт. Тудо таче чумыр Российыште тӱҥалеш да 22 июнь марте шуйна. деньпамяти.рф сайтыште виртуальный сортам чӱкташ лиеш. Тыге Кугу Отечественный сарыште вуйым пыштыше 27 миллион еҥым пырля шарналташ ӱжыт. Тиде акций 2020 ий гыч пандемий дечын вара онлайн эртаралташ тӱҥалын.

    
14. 260 просмотров, 12 июн. 2026 г., изображение

    21 июньышто Киров кундем Советский районышто верланыше Чумбылат курыкышто кумалтыш эртаралтеш. Кумалтышлан Шернур районысо "Марий кумалтыш" общине вуйын шога. Общине вуйлатыше Вячеслав Михайлович Мамаевын йодмыж почеш чонан дене кумалтыш верыш 5 шагат эрденак миен шушаш улыт. Йошкар-Ола гыч каяш кумылан-влак 89278775749 телефон номер дене йыҥгыртен - возалт кертыда, увертара Марий юмыйӱла ушем. Тидын деч ончыч - 13 июньышто - Чумбылат курыкышто кумалтыш кумдыкым эрыкташ полшаш кумылан-влакым вучат. (📸 С. Пехметова)

    
15. 269 просмотров, 12 июн. 2026 г., изображение

    Волжский район. РОССИЙЫН КЕЧЫЖЕ. ПЕЛЕДЫШ ПАЙРЕМ. Тиде гана ты пайремыште тӱрлӧ калыкын койышыжым, йӱлажым, мурен-куштымашыжым ужаш лиеш.