БСТ | Яңылыҡтар в мессенджере MAX — 360 подписчиков, аналитика и статистика

Последние публикации канала «БСТ | Яңылыҡтар»

1. 68 просмотров, 19 июн. 2026 г., видео

   Таиландта тәүге тапҡыр башҡорт ҡурайы моңдары яңғыраны Таиландта тәүге тапҡыр башҡорт ҡурайы моңдары яңғыраны. Рәсәйҙең атҡаҙанған артисы Рәмил Ғәйзуллин уйнаған көйҙәр Бангкок тамашасылары өсөн иҫ киткес асыш булды. Яҡташыбыҙ сит илдә «Рәсәй миҙгелдәре» проекты сиктәрендә сығыш яһаны.

2. 62 просмотров, 19 июн. 2026 г., видео

   Сибайҙың Сармат биҫтәһендә йәшәүселәр ҡорбан ашына йыйылды Байрам Төньяҡ Амурҙар урамында йәшәүселәр башланғысы менән ойошторолдо. Һуңғы йылдарҙа халыҡтың дингә яҡынайыуы, йома намаҙҙарына күпләп йөрөүе, әрүахтар рухына, йорт-ил тыныслығына бағышлап аяттар уҡытыуы, ҡорбан аштары үткәреүе ҡыуаныслы. Был юлы ла өҫтәл артына төрлө быуын кешеләре йыйылды.

3. 58 просмотров, 19 июн. 2026 г., видео

   Республика йәмәғәтселеге Башҡортостандың халыҡ яҙыусыһы Азат Абдуллинды хөрмәтләп иҫкә ала Әҙиптең тыуыуына 95 йыл тулыуға арналған хәтер һәм ҡәҙер кисәһе Әхмәтзәки Вәлиди исемендәге Милли китапханала ла үтте. Ғалимдар, яҙыусылар, мәҙәниәт һәм сәнғәт эшмәкәрҙәре, студенттар ҡатнашлығында ойошторолған осрашыуҙа Азат Абдуллиндың тормош һәм ижад юлына байҡау яһалды.

4. 57 просмотров, 19 июн. 2026 г., видео

   Өфөләге «Сапсан» үҙәгендә ҡотҡарылған ыласын балаһын тәбиғәткә ҡайтарыуға әҙерләйҙәр Берҙән-бер тере ҡалған ыласын ҡошсоғо һауығып бара. Күңелһеҙ осраҡ Благовещен ҡалаһында теркәлә. Күп ҡатлы йорттоң ҡыйығын ремонтлаған ваҡытта эшселәр газ горелкаһы менән ҡоштарҙың ояһын юҡ итә. Ике ҡошсоҡ урында уҡ һәләк була, өсөнсөһө 9-сы ҡаттан ҡолап төшөп иҫән ҡала. Ҡотҡарылған ҡошсоҡто үтеп барыусылар Өфөләге «Сапсан» йыртҡыс ҡоштарға ярҙам итеү үҙәгенә алып килә.

5. 65 просмотров, 19 июн. 2026 г., видео

   Баймаҡтағы 5-се мәктәптә мәктәп яны лагерының беренсе сменаһы тамамланды Йәйге ял. Баймаҡ ҡалаһының Көньяҡ биҫтәһендә урынлашҡан 5-се мәктәбендә 21 көн дауамында мәктәп яны лагеры эшләне. Уны ябыу тантанаһында хаҡында киләһе яҙмала.

6. 76 просмотров, 19 июн. 2026 г., видео

   20 йәшлек ҡыҙ һәм ике медицина хеҙмәткәре ашығыс ярҙам машинаһында һәләк булған Ҡот осҡос авария кисә Дыуан районында теркәлгән. Дәүләт автоинспекцияһынан хәбәр итеүҙәренсә, 41 йәшлек махсус транспорт сараһы водителе светофорҙың ҡыҙыл утына туҡтап торған «Лада Веста» менән «Мерседес» йөк машинаналарына барып бәрелгән. Ремонт эштәренә бәйле трассаның был участкаһында хәрәкәт өлөшәтә сикләнгән булған. Көслө бәрелеүҙән һуң «Газель»дең алғы өлөшө металл өйөмөнә әйләнә.

7. 73 просмотров, 19 июн. 2026 г., видео

   Башҡортостанда махсус һөнәри белем биреү системаһын модернизациялау дауам итә Яңы уҡыу йылына Өфөләге Башҡорт архитектура, төҙөлөш һәм коммуналь хужалыҡ колледжының икенсе корпусында капиталь ремонт тамамланасаҡ. Уның базаһында «Профессионалитет» федераль проекты буйынса төҙөлөш кластеры булдырыла. Студенттар каникулға тарала башлау менән уҡыу йортоноң лаборатор корпусында ремонт эштәренә старт бирелгән.

8. 91 просмотров, 19 июн. 2026 г., видео

   Башҡортостанда биш яңы инвестиция проекты өҫтөнлөклө статус алды Төҙөлөш, малсылыҡ, юл буйы сервисы, ғаилә ялын ойоштороу өлкәһендәге биш инвестиция проекты өҫтөнлөклө статусы алды. Проекттар «Инвестиция сәғәте»ндә хуплау тапты. Иглин районында төҙөлөш материалдары етештереү цехы, Өфө һәм Кушнаренко райондарында мал һимертеү һәм юл буйы комплексы һәм күп функциялы үҙәк төҙөү мөмкинлектәре барланды.

9. 112 просмотров, 18 июн. 2026 г., видео

   «Шүлгән ҡумтаһы» Рәсәйҙең иң яҡшы 100 балалар китабы исемлегенә инде Башҡорт мифологияһына нигеҙләнгән фэнтези илдең китап тармағының алдынғы белгестәре тарафынан юғары баһалаған. Йәш яҙыусы Гөлшат Абдееваның «Шүлгән ҡумтаһы» әҫәре Рәсәйҙең иң яҡшы 100 балалар китабы исемлегенә инде. Әҙәбиәт донъяһына биш йыл самаһы элек аяҡ баҫыуына ҡарамаҫтан, әҙибә бөгөн ике тиҫтәнән ашыу китап авторы. Барыһы ла фантастика жанрында ижад ителгән. Күп кенә әҫәрҙәре башҡорт халыҡ риүәйәттәренә нигеҙләнгән.

10. 100 просмотров, 18 июн. 2026 г., видео

    Башҡортостан Милли музейында ирекмәндәрҙең батыр хеҙмәтенә бағышланған күргәҙмә эшләй башланы Башҡортостан милли музейында «Йөрәк ҡушыуы буйынса» тип исемләнгән илһөйәрлек күргәҙмәһе асылды. Бай йөкмәткеле экспозицияла махсус хәрби операцияға ярҙам итеүсе ирекмәндәр, битараф булмаған граждандар хеҙмәтенә бағышланған фотоһүрәттәр, китаптар, архив документтар урын алды.

11. 99 просмотров, 18 июн. 2026 г., видео

    Өфөлә буласаҡ штурмандар һәм лоцмандар өсөн яңы уҡыу майҙансығы булдырылды Баш ҡалала Елкән әҙерлеге үҙәге асылды. Унда Волга һыу транспорты дәүләт университетының Өфө филиалы студенттары белем аласаҡ. Ул илдең һыу транспорты тармағына профессиональ кадрҙар әҙерләүҙә ярҙам итәсәк. Юғары уҡыу йорто яңы үҙәк өсөн ике елкәнле кәмә һатып алған. Уларҙа әле үк 1-2 курс студенттары практик тәжрибә туплай.

12. 102 просмотров, 18 июн. 2026 г., видео

    Өфөлә ҡояш панелдәре ҡуйылған йорт коммуналь сығымдарҙы кәметергә ярҙам итә Рәсәйҙә Дәүләт думаһы электр энергияһын ҡулланыуға сығымдарҙы кәметеү өсөн күп фатирлы йорттарға ҡояш панелдәрен ҡуйыу тураһында закон проектын ҡабул итте. Башҡортостан төҙөүселәре башланғысы фатир хужаларының аҡсаһын экономияларға ярҙам итәсәк, тип күҙаллана. Ҡояш нурҙары нисек электр энергияһына әйләндерелә?

13. 103 просмотров, 18 июн. 2026 г., видео

    Өфөлә медицина хеҙмәткәрҙәренә дәүләт наградалары тапшырылды Һөнәри байрам уңайынан бер төркөм медицина хеҙмәткәрҙәре Өфөләге Коллона залында ла дәүләт наградалары менән бүләкләнде. Тантанаға оҙаҡ йылдар һаулыҡ һаҡлау өлкәһендә эшләп, хеҙмәткә тоғролоҡ күрһәткән утыҙға яҡын белгес саҡырылғайны. Табиптарға ҡотлау һүҙе менән Республика хөкүмәте премьер-министры Андрей Назаров мөрәжәғәт итте.

14. 105 просмотров, 18 июн. 2026 г., видео

    Радий Хәбиров республика дауалау учреждениеларына 21 ашығыс ярҙам машинаһы асҡысы тапшырҙы Башҡортостан башлығы Радий Хәбиров республика дауалау учреждениеларына 21 ашығыс ярҙам машинаһы асҡысы тапшырҙы. Автопаркты яңыртыуға республика ҡаҙнаһынан 122 миллион һум аҡса йүнәлтелгәйне. Медицина хеҙмәткәре көнө алдынан һаулыҡ һаҡлау өлкәһе белгестәре «Торатау» Конгресс-холлында ойошторолған тантаналы йыйылышта ла ҡатнашты. Көндәлек эше менән ҡаһарманлыҡ күрһәтеп, кеше ғүмерҙәрен ҡотҡарыусыларға дәүләт наградалары тапшырылды.

15. 117 просмотров, 18 июн. 2026 г., видео

    Башҡортостан менән Танзания сәнәғәт һәм туризм өлкәһендә хеҙмәттәшлекте киңәйтә Танзания вәкилдәрен Башҡортостанда етештерелгән электробус, автобус һәм турбиналар ҡыҙыҡһындыра. Был турала Танзанияның Рәсәйҙәге илсеһе Фредрик Ибраһим Кибута республика етәксеһе Радий Хәбиров менән осрашыуҙа белдерҙе.